Antiguako - baskeyrentals

 

Lekeition, Bizkaian, kokatutako apartamentua da ANTIGUAKO. Portura doazen kaleetatik oso gertu dagoen Antiguako Amaren kaleko eraikinaren lehen solairuan kokatzen da etxebizitza. Lekeitioko gune erakargarrietatik oso gertu badago ere, lasaitasuna bermatzen du etxeak. Gainera, egonaldia zure maskota txikiarekin gozatzeko aukera dago. Beti ere, anfitrioiak onartu beharko duen aldez aurreko eskaera baten pean, kargua ekar dezakeena, iritsi aurretik nahitaez egingo den fidantzaren karguarekin egingo den bezala, ordainketa telematikoen bidez, zeinetan kreditu-txartela ezinbestekoa izango den.

Euskal Herrian egingo duzun egonaldirako erosotasun guztiak eskaintzen ditu Antiguako apartamentuak: ohiko sukalde tradizionala (egur sukaldea ere badu, baina ez dago erabilgarri segurtasunagatik) beharrezko diren elektrogailu guztiekin, kapsuladun kafetera, txigorgailua, bainera duen komun osoa, "nido" motako ohe bikoitzeko logela (bakoitza 90zm), 150zmko ohe bikoitzeko gela nagusia, doako wifia, TB duen egongela eta bi balkoi etxean dauden terrazako mahai eta eserlekuak erabili ahal izateko. Etxe osoa kalera begirako bistak ditu.

Lekeitio, Kantauri itsasaldeko gune pribilegiatuan kokatuta dago. Geografiak esentzia gordetzen laguntzen dio, bere izaera bermatuz. Lekeitiora iristeko, ezinbestean errepidetik egin behar da eta inguruan ditu Ondarroa (13km), Durango (35km), Bilbo (52km), Donostia (70km) eta Gernika (21km).
Lea-Artibaiko bailaran kokatuta dago Lekeitio, eta bi hondartza ditu: Isuntza eta Karraspio. Berauen frentean Garraitz irla aurkitzen dugu, itsasbera dagoenean oinez gerturatu gaitezkeen uhartea.

Lekeitioko kaleetan barrena sekulako aberastasun  arkitektonikoa aurki dezakegu, baita artistikoa, gehienetan jauregietara lotuta.

Lekeition egingo duzun egonaldia ahaztezina izango da: portuan itsasgizonak lanean ari diren bitartean, saregileak portuan josten dihardute inguruko jatetxeen parrillen arrain usain goxoez jantzitako txakolin freskoa edaten duzun bitartean.