Portua - baskeyrentals

Portua Mutrikuko (Gipuzkoa) portuaren parean dagoen apartamentu ikusgarria da, alde zaharraren hasieran.

Mutriku da Gipuzkoako azken herria kostaldetik, Bizkaiaren ondoan Ondarroatik 4 km-ra. Deba 6 km-ra dago, 70 km-ra Bilboraino eta 45 km-ra Donostiaraino.

Portuak ikuspegi bikaina du itsasora; ia talaia bat da arrantza-portuan; izan ere, eraikinaren azken solairuan dago. Igogailurik gabe bost solairuak igotzeko ahalegina herriko panoramikarik onenarekin saritzen da. Bere leihate zabalek paisaiaz, egunsentiez eta itsasoaren eta mendiaren arteko harmonia perfektuaz gozatzeko aukera ematen dute.

FIANTZA iritsi aurretik kobratuko da, ordainketa elektronikoen bidez eta kreditu-txartela ezinbestekoa izango da.

Aipatutako guztia, gainera, inolako erosotasunik utzi gabe; izan ere, apartamentua estilo moderno eta minimalistaz apainduta dago, non zuria den gela guztien jabea, eta kolore-xehetasunek eta arkitekturako, diseinuko eta zinemako handiei egindako keinuek berezi bihurtzen dute Portua.

Etxebizitzak bi logela, sukalde zabala, egongela eta bainugela ditu. Gela nagusiak ohe bikoitza eta begiratoki txiki bat ditu, kuxkuxeroen begiradatik urrun, etxebizitzaren intimitatean paisaia miretsi ahal izateko. Banakako erabilerako gelak armairu handi bat du eta ez du atzean uzten etxebizitza osoa harmonizatzen duen diseinua.

Sukalde zabala portura bideratuta dago erabat, eta bertako mahaitik, jatorrizko egur trinkokoa, bertako ekoizleei erositako hurbileko jakiak dastatu daitezke, kresal usainarekin eta kaioen karranka hotsekin.

Apartamentuak bainugela txiki bat eta Chromecast sistema duen telebista duen egongela ditu.

Mutriku arrantzaren, kontserben, itsasoaren eta portuaren, tradizioaren eta abarren sinonimoa da. Historia aberatsa duen herria, eraikin harrigarriak, kale sigi-sagatsuak eta harriztatuak, Euskal Kostaldeko Geoparkera irekia, Nautilus fosilen bilduma handienetako bat duena... Egonaldiak ez zaitu aiherga utziko.