Ardantza Bidea Zumaian kokatutako apartamentu eder bat da, Euskal Kostaldeko herri zoragarri batean. Getariatik 7 kilometrora, Zarauztik 12 kilometrora eta Donostiatik 35 kilometrora dago, eta garraio publiko zein errepide bidezko komunikazio bikainak ditu.

Apartamentua 2016an eraikitako bizitegi-eremu berri batean dago, alde zaharretik eta herrigunetik gertu, baina zaratatik urrun. Ardantzabidea auzoa Euskal Kostaldeko Geoparkera sartzeko gune nagusietako bat da, eta bertako erakargarri nagusia Flysch izeneko formazio geologiko ikusgarria da.
Apartamentutik bertatik, oinez minutu gutxitan, Euskal Kostaldeko itsaslabar eta kala ikusgarrietara irits daiteke. Babestutako gune honetan, duela milioika urte dinosauroek zapaldutako lur berean ibiltzeko aukera dago. Ingurune hau hainbat ikus-entzunezko ekoizpen ezagunen agertoki ere izan da, hala nola Game of Thrones telesailarena; etxebizitzatik ikus daitekeen San Telmo ermita, Ocho apellidos vascos filmarekin lotua; eta Patria telesailean agertzen diren kaleak.

Apartamentuaren inguruko eremuak esanahi berezia du Zumaiako biztanleentzat eta berezko erakargarritasuna dauka; horregatik, herria pixkanaka hazten joan da kale honen inguruan.
Ardantza Bideak egonaldi atsegin baterako beharrezko erosotasun guztiak eskaintzen ditu 4 pertsonentzat: guztiz hornitutako sukaldea, egongela zabala sofa eroso batekin, logela bat ohe bikoitzarekin eta beste logela bat bi bakarkako oheekin. Gainera, dutxadun bainugela handia, komun osagarria, mahaia eta aulkiak dituen terraza haundi bat, telebista eta etxebizitza osoan doako wifi konexioa ditu.

Apartamentua guztiz kanpoaldera ematen du eta prezioan sartuta dagoen garaje pribatu itxia dauka, auto baterako tokiarekin.

Ingurunea bereziki erakargarria da naturazaleentzat, abentura-kirolak, mendi-ibilaldiak, txirrindularitza eta itsas kirolak praktikatzeko aukera ematen baitu, baita Zumaiako eta inguruko hondartza, kultura eta gastronomia eskaintza bikainaz gozatzeko ere.

Donostiatik 30 minutu baino gutxiagora autoz edo trenez egoteak Zumaia eta Ardantza Bidea Euskal Herrira ihesaldi bat egiteko leku ezin hobe bihurtzen ditu.